Lyrics:
Wah Kiya Jood o Karam Hai Shah e Bat’ha Tera
Nahi Sunta Hee Nahi Maangney Waala Tera

Dhaarey Chaltey Hain ‘Ataa Key Wo Hai Qatra Tera
Taarey Khiltey Hain Sakhaa Key Wo Hai Zarrah Tera

Faiz Hai Ya Shah e Tasneem Nirala Tera
Aap Pyaso Ke Tajasuss Me Hain Dariya Tera

Farsh Waaley Teyri Shaukat Ka ‘Uloo Kya Jaaney
Khusrawaa ‘Arsh Pey Urta Hai Phareyraa Tera

Mein To Malik Hi Kahun ga Kah Ho Malik Key Habib
Yaani Mehboob-o-Mohib Me Nahi Mera Tera

Tere Qadmon Me Jo Hain Gher Ka Mun Kya Dekhain
Kaun Nazron Pe Charey Daikhe Key Talwah Tera

Ek Mein Kya Mere ‘Isyaan Ki Haqeeqat Kitnee
Mujh Sey Sau Lakh Ko Kaafi Hai Ishaara Tera

Terey Tukron se Paley Gher Ki Thokar Pey Na Daal
Jhirkiyan Khaaye Kahaan Chor Key Sadqa Tera

Tu Jo Chaahey To Abhi Mael Mere Dil Key Dhuley
Key Khuda Dil Nahi Karta Kabhi Maela Tera

Chor Haakim Se Chupa Karte Hain Ya Uske Khilaf
Tere Daamam Me Chupe Chor Anokha Tera

Muft Paala Tha Kabhi Kaam Ki Aadat Na Padee
Ab Amal Poochte Hain Haaye Nikamma Tera

Teri Sarkaar Me Laata Hain Raza Usko Shafee
Jo Mera Ghous Hai Aur Laadla Beta Tera