سب سے اولیٰ و اعلیٰ ہمارا نبیﷺ

 سب سے بالا و والا ہمارا نبیﷺ

 اپنے مولیٰ کا پیارا ہمارا نبیﷺ

 دونوں عالم کا دولھا ہمارا نبیﷺ

 بزمِ آخر کا شمع فروزاں ہوا

 نورِ اوّل کا جلوہ ہمارا نبی ﷺ

 جس کو شایاں ہے عرشِ خُدا پر جلوس

 ہے وہ سلطانِ والا ہمارا نبی ﷺ

 بجھ گئیں جس کے آگے سبھی مشعلیں

 شمع وہ لے کر آیا ہمارا نبی ﷺ

 جس کے تلوؤں کا دھووَن ہے آبِ حیات

 ہے وہ جانِ مسیحا ہمارا نبی ﷺ

 عرش و کرسی کی تھیں آئینہ بندیاں

 سوئے حق جب سدھارا ہمارا نبی ﷺ

 خَلق سے اولیا، اولیا سے رُسُل

 اور رسولوں سے اعلیٰ ہمارا نبی ﷺ

 حُسن کھاتا ہے جس کے نمک کی قسم

 وہ ملیحِ دل آرا ہمارا نبی ﷺ

 ذکر سب پھیکے جب تک نہ مذکور ہو

 نمَکیں حُسن والا ہمارا نبی ﷺ

 جس کی دو بوند ہیں کوثر و سلسبیل

 ہے وہ رحمت کا دریا ہمارا نبی ﷺ

 جیسے سب کا خدا ایک ہے ویسے ہی

 اِن کا، اُن کا، تمھارا، ہمارا نبی ﷺ

 قرنوں بدلی رسولوں کی ہوتی رہی

 چاند بدلی کا نکلا ہمارا نبی ﷺ

 کون دیتا ہے دینے کو منہ چاہیے

 دینے والا ہے سچا ہمارا نبی ﷺ

 کیا خبر کتنے تارے کھِلے چھپ گئے

 پر نہ ڈوبے نہ ڈوبا ہمارا نبیﷺ

 ملکِ کونین میں انبیا تاجْدار

 تاجْداروں کا آقا ہمارا نبیﷺ

 لا مکاں تک اجالا ہے جس کا وہ ہے

 ہر مکاں کا اُجالا ہمارا نبیﷺ

 سارے اچھوں میں اچھا سمجھیے جسے

 ہے اُس اچھے سے اچھا ہمارا نبیﷺ

 سارے اونچوں میں اونچا سمجھیے جسے

 ہے اُس اونچے سے اونچا ہمارا نبیﷺ

 انبیا سے کروں عرض کیوں مالکو!

 کیا نبی ہے تمھارا ہمارا نبیﷺ

 جس نے ٹکڑے کیے ہیں قمر کے وہ ہے

 نورِ وحدت کا ٹکڑا ہمارا نبیﷺ

 سب چمک والے اجلوں میں چمکا کیے

 اندھے شیشوں میں چمکا ہمارا نبی ﷺ

 جس نے مردہ دلوں کو دی عمرِ ابد

 ہے وہ جانِ مسیحا ہمارا نبی ﷺ

 غمزدوں کو رؔضا مژدہ دیجے کہ ہے

 بے کَسوں کا سہارا ہمارا نبی ﷺ

Sabse Aula Wo A’ala Hamara Nabi

Sabse Baala Wo Waala Hamara Nabi

Apne Maula Ka Pyara Hamara Nabi

Dono A’alam Ka Dulha Hamara Nabi

Bazme Aakhir Ka Shamae Faraouza Hua

Noor-E-Awwal Ka Jalwah Hamara Nabi

Jisko Shayan hain Arshe Khuda Par Juloos

Hai Woh Sultane Wala Humara Nabi

Bujh Gayi Jiske Aage Sabhi Mashaley

Shama’a Woh Le Kar Aaya Hamara Nabi

Jiske Talwon Ka Dhovan Hai Aabe Hayaat

Hain Wo Jaane Maseeha Hamara Nabi

Arsh o Kursi Ki Theen Aa’inaa Bandiyan

Soo e Haq Jab Sadhara Humara Nabi

Khalq Se Auliyah, Auliyah Se Rasool,

Aur Rasoolon Se A’ala Hamara Nabi

Husn Khaata Hain Jinke Namak Ki Qasam

Woh Maleehe Dilaara Hamara Hamara Nabi

Zikr Sab Pheeke Jab Tak Na Mazkur Ho

Namakeen Husn Waala Hamara Nabi

Jiski Do Boond Hain Kausaer O Salsabeel

Hain Wo Rehmat Ka Dariya Hamara Nabi

Jaise Sab Ka Khuda Aik Hai Waise Hi,

Inka Unka Tumhara Hamara Nabi

Karno Badli Rasoolo Ki Hoti Rahi

Chaand Badli Ka Nikla Hamara Nabi

Kaun Deta Hain Dene Ko Muh Chahiye

Dene Waala Hai Sachha Hamara Nabi

Kya Khabar Kitne Taare Khile Chup Gaye

Par Na Doobe Na Dooba Hamara Nabi

Mulke Qaunain Mein Ambiya Taajdaar

Taajdaro Ka Aaqa Hamara Nabi

La Makaa Tak Ujalaj Hai Jisko Wo Hain

Har Makaa Ka Ujala Hamara Nabi

Saare Achhon Me Achha Samajhiye Jise,

Hain Us Achhe Se Achha Hamara Nabi

Saare Uncho Mein Uncha Samajhiye Jise

Hai Uss Unche Se uncha Hamara Nabi

Anbiya Se Kaun Arz Kyun Maaliko

Kya Nabi Hai Tumhara Humara Nabi

Jis Ne Tukde Kiye Hain Qamr kay Woh Hai

Noor e Wahdat Ka Tukda Humara Nabi

Sab Chamak Waale Ujlon Me Chamka Kiye

Andhe Sheesho Mein Chamka Hamara Nabi

Jis Ne Murda Dilon Ko Di Umre Abad

Hai Woh Jaan e Maseeha Humara Nabi

Gamzado Ko Raza Muzhda-Di-Je Ke Hain

Be-Kasoon Ka Sahara Hamara Nabi