In this Naat, the poet praises the Prophet Muhammad (PBUH) by highlighting his unparalleled status. “صاحبِ تاج” refers to the Prophet as the one who possesses the crown of honor and sovereignty, symbolizing his supreme rank and nobility. “شاہِ معراج” refers to the Prophet’s miraculous night journey (Isra and Mi’raj), where he ascended to the heavens, further emphasizing his divine and exalted position.

صاحبِ تاج وہ،شاہِ معراج وہ

 شہسوارِ براق و امیرِ علم،

دافعِ ہر بلا، دافعِ ہر وبا دافعِ قحط و امراض و رنج و الم

اسم لکھا گیا، اسم اونچا ہوا، اسم مُہرِ قبولِ شفاعت بھی ہے

اسم کی برکتیں، اسم کی رونقیں، اسم لوح و قلم کی امانت بھی ہے

کیا عرب کیا عجم سب کے سردار ہیں ،سب کے سردار کا ہے مقدس بدن

حرم و کعبہ کو وہ جو منور کرے، وہ مہکتی وہ پاکیزه سی اک کرن

چاشت گاہوں کا سورج وجود آپ کا،آپ ہر شب کی ظلمت کے ماہتاب ہیں

صدر بزمِ بلندی و رفعت کے ہیں،راہ گزارِ ہدایت کے ماہتاب ہیں

ساری مخلوق کی ہیں وہ جائے اماں ،ساری تاریکیوں کے وہ روشن چراغ

نیک تینت ہیں وہ،نیک اطوار ہیں ان کے ہاتھوں میں ہیں بخششوں کے ایاغ

سَر سے پیروں تلک وہ کرم ہی کرم ،رب حفاظت کرے بالیقیں آپ کی،

اُن کے خدمت گزاروں میں جبریل ہیں ،اور سواری براقِ حسیں آپ کی

سفر اُنکا ہے معراج اور سدرۃ المنتہٰی مستقر اور مقام اُن کا ہے

قاب قوسین کا مرتبہ اُنکا مطلوب ہے اور دارالسّلام اُن کا ہے

اور مطلوب ہی اُن کا مقصود ہے اور مقصود ہی اُن کا موجود ہے

آپ سارے رسولوں کے سردار ہیں،آپ کا صرف اللہ معبود ہے

بعد میں سارے نبیوں کے آئے ہیں وہ، بخشوائیں گے ہر اِک گناہگار کو

ہر مسافر کی کرتے ہیں غمخواریاں،رحمتیں بانٹتے ہیں وہ سنسار کو

عاشقوں کے دلوں کی وہ تسکین ہیں،اورمُرادِ ہر اِک صاحبِ شوق کی

حق شناسوں کےخورشید وخاور ہیں وہ، سالِکینِ رہِ عشق کی روشنی

پیار محتاج و مفلس سے مسکین سے، ہر مقرب کی وہ رہنمائی کریں

جن و انساں کے سرادر دونوں حرم دونوں قبلوں کی وہ پیشوائی کریں

دنیا اور آخرت کا وسیلہ ہیں وہ ، رتبہِ قابَ قوسین جن کو مِلا

دونوں ہی مشرقوں مغربوں کا وہ رب، حاصل اُن کو خطاب اُسکے محبوب کا

جدِّ امجد ہیں حسنین کے اور ہر جن و انساں کے آقاو مولٰی ہیں وہ

باپ قاسم کے بیٹے ہیں عبداللہ کے اور نورِ الہٰی کا حصّہ ہیں وہ

اے فدایانِ نورِ جمالِ نبی، آپ پر آل و اصحاب پر صبح و شام

جیسے حق بھیجنے کا ہے بھیجو بصد احترام و محبت درود و سلام

sahibe taaj woh, shah e mairaaj woh

sehsawar Buraq o ameer-e alam ,

daafa e har bulaa, daafa e har waba daafa e qeht o amraaz o ranj o alum

ism likha gaya, ism ouncha huwa, ism mohar e qubool e shafa’at bhi hai

ism ki barkaten, ism ki ronaqain, ism loh o qalam ki amanat bhi hai

kya arab kya ajam sab ke sardar hain, sab ke sardar ka hai muqaddas badan

haram o kaaba ko woh jo Munawar kere, woh mahakti woh pakeezah si ik kiran

chaasht gaahon ka Sooraj wujood aap ka, aap har shab ki zulmat ke Mahtab hain

sadr bazm e bulandi o Riffat ke hain, raah guzaar e hidaayat ke Mahtab hain

saari makhlooq ki hain woh jaye aman, saari taarikeon ke woh roshan chirag

naik teenat hain woh, naik atwaar hain un ke hathon mein hain bakhshishon ke ayaagh

sar se pairon talak woh karam hi karam, rab hifazat kere bil yaqeen aap ki ,

unn ke khidmat guzaron mein Jibreel hain, aur sawari buraq hasin aap ki

safr unkaa hai mairaaj aur sidra tul muntaha mustaqar aur maqam unn ka hai

qaab Qausain ka martaba unkaa matloob hai aur Darussalam unn ka hai

aur matloob hi unn ka maqsood hai aur maqsood hi unn ka mojood hai

aap saaray rasoolon ke sardar hain, aap ka sirf Allah ma’bood hai

baad me saaray nabiyon ke aaye hain woh, bakhshwayen ge har ik gunahgaar ko

har musafir ki karte hain ghum khwariyan, rahmaten bant’tay hain woh sansaar ko

aashiqon ke dilon ki woh taskeen hain, aur murad har ik sahib e shoq ki

haq shnason ke Khurshid o khawar hain woh, salikeen e rah e ishq ki roshni

pyar mohtaaj o muflis se miskeen se, har Muaqarrab ki woh rahnumai karen

jin o insaa ke saradar dono haram dono qiblon ki woh peshwai karen

duniya aur akhirat ka waseela hain woh, Rutba e qaab Qosain jin ko mila

dono hi mashriqon maghrabon ka woh rab, haasil unn ko khitaab uske mehboob ka

jadde amjad hain hasnain ke aur har jin o insaa ke aaqa o Maula hain woh

baap Qasim ke betay hain Abdullah ke aur noore Elahi ka hissa hain woh

ae Fidayan noore Jamal nabi, aap par aal o ashaab par subah o shaam

jaisay haq bhejnay ka hai bhaijho basad ehtram o mohabbat duroood o salam